गासिएको मन टुटाएर, टुट्छ त्यसै कहाँ
झर्याम झुरुम फुटाएर, फुट्छ त्यसै कहाँ
चाहे आओस आँधि तुफान, चाहे यो दुनिया
मन मिलेपछि छुटायर, छुट्छ त्यसै कहाँ
तिम्रै नामले म बदनामी, भए पनि यहाँ
पिरतीको कुवा सुकायर, सुक्छ त्यसै कहाँ
तिम्रो यादले पागल गरायो, र त रुन्थे एक्लै
पिडा यो मनको लुकायर, लुक्छ त्यसै कहाँ
डाह गर्यो समयले मेरो, प्रेम कहानीमा
दुख्यो छाती नत्र दुखायर, दुख्छ त्यसै कहाँ