त्यो साझ हल्लिखल्ली खुब मच्चियो
त्यही हल्ला छिरेको रहेछ -
सदरमुकाम देखि
देविथानको साघुँरो गल्ली हुँदै
राप्ती छेउछाउको सकुम्बासी बस्तितिर
जहाँ बस्थे - दिनभरी नङ्ग्रा खियाएर
भरे बेलुकी पेट भर्ने गरीबहरु
जहाँ बस्थे - राजनितिको 'र' नबुझेका अबुझ सोझाहरु
अनी, त्यही बस्थे - माओवादी भनेका को हुन् ?
कस्ता हुन्छन् उनिहरु ?
भनेर सोध्ने अन्जान मनुवाहरु
दिनभरी मेला गरेर
थाकेका जवान युवतीहरु
चिच्याउदै थिए - झन् झन् चर्को आवाजसित
लाग्थ्यो - त्यो आवाज हैन चित्कार हो
र, त्यही चित्कारले 'बचाउ' 'बचाउ' भनिरहेछ
तर थाहा छैन् – त्यो चित्कारले
अस्तित्व बचाउ खोजिरहेछ ?
या जवानी ?
