गजल ४६

जो कोहिले दिएको उपहार स्विकार गरेको मन पर्दैन्
र, मेरो हजुरलाई प्रेमको व्यापार गरेको मन पर्दैन्

रावणले हरेकै कारण रामले सिता त्याग गरिदिए
उसै झै चोखो प्यारमा शंका र विचार गरेको मन पर्दैन्

मेरो चञ्चले बानी देखी आजित परेसी उहाँ भनुहुन्छ -
प्रिया, मलाई एउटै गल्ती बारम्बार गरेको मन पर्दैन्


घुर्क्याउछु, धम्क्याउछु र नसकेपछी रिसाउछु म आफै
तब भन्नुहुन्छ - यो ठुस्किने व्यवहार गरेको मन पर्दैन्

आफुलाई भने शौख छ मनमा-कसरी राम्री बनु भन्ने ?
उफ्, मेरो यारलाई फेरी मैले श्रीङ्गार गरेको मन पर्दैन्