“याम्बुरी बुक प्वाइन्ट” ले ०७१ बैशाख महिनामा मात्र बजारमा ल्याएको कबितासङ्ग्रह “च्याउको जङ्गल” मा केन्दृत रहेर केहि कुरा लेख्न खोजिरहेछु म यतिबेला ।
यस कवितासङ्ग्रहमा समावेशी छुट्टाछुट्टै शिर्षकका ५४ वटा कवितालाई ६ वटा खण्डमा विभाजन गरिएको छ । सबै खण्ड र खण्डभित्रका सबै कविताहरुले शिर्षकले दिन खोजेको भावलाई उजागर गरेका छन् । यस मानेमा कविताहरु अनुशासित सावित भएका छन् ।
पहिलो खण्ड 'त्यो आइमाई' भित्र जम्माजम्मी १० वटा कविताहरुले ठाउँ पाएका छन् । जहाँ महिलालाई मुख्य पात्रका रुपमा उभ्यायर कविताहरुले भावलाई मञ्चन गरेका छन् । 'डम्बरिको देश' नामक कविताले अझ आकर्षित गर्यो मलाई । जुन कविताको उठान यसरि भएको छ -
“यस धरतिको सबैभन्दा महङ्गो बजारमा
तिम्रो देशसँगै बिक्री हुन्छ तिम्रो गरीबि !”
