गजल ८

असम्भवमा सम्भावना खोज्दैछु म यहाँ
थोपा थोपाको मुल्य अब सोच्दैछु म यहाँ

त्यहाँ सपना फुल्छ फल्छ जहाँ रहर छ
खस्दै गरेका तारा जुन रोज्दैछु म यहाँ

फुलेर मात्र पुग्दैन अब फल्न सक्नु पर्छ
जिन्दगीको यथार्थ भोगाइ भोग्दैछु म यहाँ

शिकारिको निसानामा छ त्यो उडेको पन्छि
स्वतन्त्र पन्छिको निसानी रोक्दैछु म यहाँ

जिन्दगीमा खडेरी पर्छ पुरै धाजा फाट्छ
टुटेको फुटेको समेटी जोड्दैछु म यहाँ