१८. कविता : तप्केको मेरो प्यार

वास्तविकता फरक थियो

तर,

मानौ, म उसको प्रेमी हुँ

सत्यवतिको प्रेमि

समलिङ्गी प्रेमी !

प्रेमिको झै गरि

मेरो दाहिने पाखुरा च्याप्प समाति

र, सरासर लागि मलाई

आफ्नो शयनकक्षमा

म चुपचाप उसको पछी लागे !

शयनकक्षको दाहिने तर्फको सोफामा

बस्ने इसारा गरी उसले

म थ्याच्च बसे

सोफा लच्कियो

सोफा सँगै म पनि लच्किए !

उत्तर पट्टी फर्केको

सेतो तन्ना बिछ्याइएको पलङ

छ बाइ सातको हुदो हो - मेरो अनुमान

उ उत्तानो परि

घरी घरी घोप्टो पनि परि

तर, निकै मायाले सुम्सुम्याइ

तन्ना ?

या, तन्नामा बसेको टाटो ?

भर्खरै, ठुलो युद्ध जितेको

लडाकुले झै गरेर

निकै सन्तुष्टिको स्वास फेरि

र, एकै स्वासमा भ'नी उसले -

"जमुना यता हेर् त

यो तन्नामा बसेको दाग

'टाटो' होईन्

हिजो राती तप्केको मेरो प्यार हो !"